Bapache ani putache ani povitr atmeache navim. Amen.

Somia Jezu Krista, Tunvem sonvsarani astanam dukhamnim ani suskaranim, sorginchea bapak magnim bhettoilim manum ghe hea novenachi bhettonni: novenam mhojim magnim Tujeam magneank, hanv ekttaitam (ani hea mondirachea borem dekhnnarancheam ani bhoktancheam tensanvank zannim dhaddleant aplim magnnim) ani tech porim mhoje kuddicheam ani atmeachea gorzank (hanga mag tuka zai to upkar). Hanv bhettoitam mhojem magnnem marie he tuje ani mhoje avoie vorvim, kitheak ti zaun asa Kristanvancho adhar; ani tech porim Sant Juda Thaddev hea tujea soirea vorvim, kiteak to mhollear adhar Vhodd oddchonneamnim. Tachea khatir manun ghe mhojem magnem ani folladik kor atmeank zankam soddounk Tum khursar melio. Amen

1. Onodvont Apostla Sant Juda Thaddeva, bhorvanso nasleleanchea Askarea, tuka Devan vinchun kaddlo diuncheak govai khorea bhavarthachi, soglleam toranchem dukh xevott porian sosun, xekim ditoi tuzo jiv ani rogot teach bhavartha khatir; magun ghe amkam tuje oslo bhavart ami tuje porim ascheak sodanch toiar ani khuxall bhavartha khatir khoincheai velar morunk. Di amkam ghottai amche kuddichi pirajita vorvim, dhonddvonn korunk ani he bhaxen moron sonvsark ani ami kanch, ani jieuncheak fokot Devak, ani zoddun gheuncheak punem sasnnak.
   (Amchea Bapa, noman Marie, mhoima Bapak)

2. Onodvont Apostla Sant Juda Thaddeva, tum vortotai ixtt ani soiro amchea soddvonndaracho; konnakuch bhienastana diloi tuzo jiv, add vovhonaastanam dhormacher, bhavarthacher ani Devacher, magun ghe amkam kurpa ascheak ani sodanch toiar sosunk kosolem - he dukh amchea ontoskornacher add veche bhaxek, adhar amkam di jieuncheak ani tech bhaxen zoddcheak vantto sasnnachea sukhacho sorga Rajeant.
   (Amchea Bapa, noman Marie, mhoima Bapak)

3. Onodvont Apostla Sant Juda Thaddeva, ednam tuzo anvddo vortolo korcheak fokot khoxi Devachi soglleam vostumnim; magun ghe amkam toch anvddo, ami-itech porim, hulpon teach atmean sarcheak soglem amchem jivit sambhallun Devache upordes, vavrun amche soddvonne pasot; ani sosun sosnikkaien Deva ani bhavartha khatir soglleam toranchem dukh ani he porim nitoll zavun khoxttam ani dognamnim, favo zauncheak sasnnachea onodacho mukutt Devache rajeant. Amen.
   (Amchea Bapa, noman Marie, mhoima Bapak)

V. Bhagevont Juda, Amche pasot vinoti kor

R. Amkam favo zauncheak jem somia Jezu Khristan bhasallam Tem. Amen.

Magnem :
He Deva tuve bagevomt Apostla Juda Thadeva vorvim dile-i amkam vodok tujea nanvachi; favo kor amkam porkonddunk sodankall tacho onnod, choddun ami disadis xegunnamnim ani vakhandunn tacho xegunni onod. Teach amchea somia Jezu Krista Vorim. Amen.

Onodvont Apostla Sant Juda Thaddeva Jezucha visvsaxi chakra ani ixtta, ghatkea Judasacha nanva pasot zaite zann visorle tujem nanv.Punn Igorz mata tuka manta ani tuka ulo marta tum askari mhonn soglleam sanddleleam ani sxa saaleleam kam ancho. Mhoje pasot mag zo vortotam itlo doodiro. Mhaka pav hanv tuka prartham hem kherit dennem zantunt Devan tuka xrungila ani jea vorvim tum rokddoch pavtai kosoleach adharachi axa thoim.

He mhoji vhoddle gorjent di mhaka tuzo alaxiro, mello-xi kor mhaka bhuzvonn ani sorgincho adhar soglea mhojeam gorzanim, dukhimnim ani khontinim, bhov korun (hanga magcheam kitem zai tem) ani hanv pavoso (pavoxi) kor porkonddunk Devak, tujea ani soglleam bhoktanchea sangata sasnachea sasnak.

Hanv tuka bhasaitam, bhagevont Judasa, kednanch visorchonam mhonn ho tuzo vhoddlo upkar ani kednanch tuka mandin astana ravhonam mhonn mhozo kherit ani podvecho askari koso ani mhoje koddeghoddta titlem-hav kortolom mhonn vaddounk soglleam sorim tujem bhoktiponn. Amen.